သင် ဘာကြောင့် ချစ်သူ ထားသင့်ရတာလဲ

လူဆိုတာ တစ်ယောက်တည်းနေလို့မရပါဘူး။ မိသားစု၊ ဆွေမျိုး၊ အပေါင်းအသင်း၊ မိတ်ဆွေစတဲ့ ကိုယ်ချစ်ခင်သူတွေနဲ့ ဘဝကို လျှောက်လှမ်းဖြတ်သန်းနေကြရပါတယ်။ သင့်ရဲ့ ဝမ်းနည်းမှု၊ ပျော်ရွှင်မှုတွေကို အတူ ခံစားဖို့ ၊ သင်အားငယ်တဲ့အချိန်မှာ အားပေးဖို့၊ သင်အောင်မြင်မှုတွေကို မုဒိတာပွားပေးဖို့၊ သင်ရှုံးနိမ့်ချိန်မှာ ဖေးမကူညီဖို့ သင့်အတွက် အရေးတကြီးလိုအပ်တာက တစ်ဦးနဲ့ တစ်ဦး အပြန်အလှန် ချစ်ခင်ရတဲ့သူပါ။

၁။ ယုံကြည်မှုရှိစေသူ

သင့်အလုပ်ထဲမှာ မတော်တဆ လွဲမှားမှုကြောင့် ကိုယ့်ကိုယ်ကို ယုံကြည်မှုမဲ့သွားတာလား၊ အလုပ်ရှင် ဆူတာခံရလို့ စိတ်ပျက်အားငယ်သွားသလား၊ ပတ်ဝန်းကျင်က လူတွေထိုးနှက်မှုကြောင့် စိတ်ဓာတ်ကျနေတာလား။ ဒီအချိန်မှာ သင်လုပ်သင့်တဲ့အရာက အသက်ကိုအဆုံးထိ ဖြည်းဖြည်းချင်းရှူသွင်းပြီး သင့်ရဲ့ ချစ်သူဆီ ဖုန်းဆက်လိုက်ပါ။ အချိန်မရရင် ဖုန်းထဲကပဲ ရင်ဖွင့်လိုက်ပါ။ အချိန်ရခဲ့ရင်တော့ အေးအေးဆေးဆေးစကားပြောနိုင်မဲ့ နေရာတစ်နေရာကို ချိန်းဆိုပြီး သင့်ရဲ့ စိတ်ပျက်အားငယ်မှုတွေကို ပြောဆိုတိုင်ပင်လိုက်ပါ။ သင့်ချစ်သူဆီက အားပေးစကားကြောင့် ကိုယ့်ကိုယ်ကို ယုံကြည်မှု ပြန်လည်တည်ဆောက်နိုင်ပါလ်ိမ့်မယ်။

၂။ တိုင်ပင်ဖော် တိုင်ပင်ဖက်

တစ်ခါတစ်ရံ တစ်ချို့နေရာတွေကို တစ်ယောက်တည်းသွားဖို့ အခက်အခဲရှိတဲ့အခါမျိုးမှာ သင့်ချစ်ခင်သူက သင့်အတွက် အဖော်မွန်ကောင်းတစ်ယောက်ဖြစ်စေမှာပါ။ ဈေးဝယ်ထွက်တဲ့အခါ သင်နဲ့အတူ သင့်ချစ်ခင်သူက တိုင်ပင်ဖော်တိုင်ပင်ဖက်ကောင်း တစ်ယောက်ဖြစ်စေသလို အခမ်းအနားတက်ရောက်ရတဲ့အခါမျိုးမှာလည်း သင့်ကို မဝံ့မရဲမဖြစ်စေပဲ လူတောတိုးရဲအောင် ခွန်အားရှိစေပါလိမ့်မယ်။

၃။ စိတ်ဖြေပေးမဲ့သူ

နေ့စဉ်နဲ့အမျှ ကျင်လည်လှုပ်ရှားနေရတဲ့ လူ့ပတ်ဝန်းကျင်မှာ စိတ်ဖိစီးမှုတွေ အနည်းနဲ့အများဆိုသလို ရှိနေတတ်ပါတယ်။ ဒါကိုဖြေဖျောက်ပေးမဲ့သူက သင့်ရဲ့ ချစ်ခင်သူပါ။ စိတ်ဖိစီးမှုကင်းပြီး ကျန်းမာပျော်ရွှင်သော ဘဝတစ်ခုအတွက် ချစ်ခင်သူက မရှိမဖြစ်ပါပဲ။

၎။ သစ္စာရှိစေသူ
သင်နဲ့ သင့်ချစ်ခင်သူတွေရဲ့ ဆက်ဆံရေးတွေ ကြာရှည်လာတာနဲ့အမျှ တစ်ဦးနဲ့တစ်ဦး ချစ်ခင်မှုတွေ သံယောစဉ်တွေ တိုးပွားလာတတ်ပါတယ်။ အချိန်ကာလတွေက သင်နဲ့ သင့်ချစ်ခင်သူတွေကြား တီးတိုးတိုင်ပင်တာကစလို့ ကြီးကြီးမားမား လုပ်ငန်းကိစ္စတွေအထိ ပြောဆိုနိုင်ပြီး တစ်ဦးနှင့်တစ်ဦး သစ္စာရှိမှုကို တည်ဆောက်ယူနိုင်ပါလိမ့်မယ်။

၅။ တံခါးဖွင့်ပေးမယ့်သူ

သင်ဟာ ခေါင်းမာတတ်တဲ့သူ တစ်ယောက်ဖြစ်ခဲ့မယ်ဆိုရင် တော်ရုံနဲ့ အတွေးအခေါ်ထင်မြင်ချက် အသစ်အသစ်တွေကို လက်ခံချင်မှ လက်ခံပါလိမ့်မယ်။ ဒါပေမဲ့ သင့်ချစ်ခင်သူက ပြောဆိုရှင်းပြတဲ့အခါ သင်လက်ခံကောင်းလက်ခံလာနိုင်ပါလိမ့်မယ်။ သင့်အတွေးအခေါ်တွေ ဆန်းသစ်စေဖို့ သင့်ကို တိုက်တွန်းပေးပါလိမ့်မယ်။ သင့်မျက်စိနဲ့ ဦးနှောက်ကို တံခါးပွင့်စေမယ့်သူက သင့်ချစ်သူပါ။