ဝမ်းတွင်းမြို့တွင် မီးကင်းစောင့်သည့်စနစ် တိမ်မြုပ်ပျောက်ကွယ်မှာ ဒေသခံများစိုးရိမ်နေ

မန္တလေးတိုင်းဒေသကြီး၊ ၀မ်းတွင်းမြို့နယ်မှာ နွေရာသီကာလတွေအတွင်း ကျေးရွာ၂၁၈ ရွာနဲ့ မြို့ပေါ် ရပ်ကွက် ၆ ခုရှိ လမ်းဆုံလမ်းခွ မီးကင်းတဲတွေနဲ့ နာရီသံ ချောင်းခေါက်ခရာတုတ်ပြီး မီးသတိထားဖို့ ဆော်သြပြီး မီးကင်းစောင့်မီးကင်းလှည့် မှုတွေဟာ အကျိုးများစွာရှိနေပေမယ့် ၂၀၁၆ နဲ့ ၂၀၁၇ ခုတွေမှာ မတွေ့ရတော့လို့ တိမ်မြုပ်ပျောက်ကွယ်မှာကို ဒေသခံတွေ စိုးရိမ်နေကြပါတယ်။

ဝမ်းတွင်းမြို့နေ ဦးမောင်မောင်ဦးက “မင်္ဂလာဦးည မီးကင်းစောင့်ကျတယ်လို့ ဇာတ်ပွဲလူရွှင်တော်တွေ တောင် ရယ်စရာဟာသဖြစ်အောင် မီးကင်းစောင့် မီးကင်းလှည့်တဲ့အကျင့် ထွန်းကားခဲ့တာပေါ့” လို့ ပြောပါတယ်။”

မြို့နယ်အထွေထွေအုပ်ချုပ်ရေးရုံးအုပ်ကြီး ဦးအောင်ကျော်ဦးက “လုပ်အားပေးဆိုတာမရှိတော့ အရefမီးသတ်တွေနဲ့ လုပ်ဆောင်ဖို့ စီစဉ်ထားပါတယ်။”

“ရွာပြင်က ကောက်ရိုးပုံတွေ၊ အမှိုက်ပုံတွေနားမှာ အမှတ်တမဲ့ လွှင့်ပစ်တတ်တဲ့ ဆေးလိပ်တိုတွေကြောင့် ကောက်ရိုးပုံတွေ မီးလောင်ရတာဒီလထဲမှာတင် ရွာနှစ်ရွာမှာဖြစ်တယ်။ ရွာက ကာလသားခေါင်းနဲ့ အဖွဲ့တွေ၊ အရံမီးသတ်တွေ၊ ငွေကြေးတတ်နိုင်သူတွေကို မီးကင်း၊ ရွာကင်းလုပ်ဖို့ လှုံ့ဆော်ထားပါတယ်” လို့ ညောင်ဦးဖိးကျေးရွာ အုပ်စုအုပ်ချုပ်ရေးမှူး ဦးတင်ဆင့်ကပြောပါတယ်။

မြို့နယ်မီးသတ်ဦးစီးမှူး ဦးကျော်မျိုးက မီးကင်းစောင့် မီးကင်းလှည့်စနစ် လုပ်ဆောင်ဖို့ ဇန်နဝါရီလဝက် အစည်းအဝေးမှာကတည်းက ပြောထားပါတယ်။ လိုအပ်တဲ့အကူအညီပေးဖို့လည်း အသင့်ပါပဲ မီးကင်းစောင့် မီးကင်းလှည့်စနစ်က မီးတင်မကဘူး။ သူခိုးတို့ သူဝှက်တွေကိုပါ အကာအကွယ်ပြုတယ်။ ကောင်းတဲ့အကျိုးဆက်များတယ်လို့ ပြောပါတယ်။

မတ်လ ၆ ရက်မှာ သင်္ကန်းဆွဲကျေးရွာမှာ ကောက်ရိုးပုံ ၁၅ ပုံ၊ မတ်လ ၁၄ ရက်မှာ ရိုးရွာကျေးရွာတွင် ကောက်ရိုးပုံ ၂ ပုံမီးလောင်ကျွမ်းခဲ့ပြီး လေငြိမ်နေလို့ ရွာဘက်မီးမကူးခဲ့ပါ။ ဝမ်းတွင်းမြို့ ဒုတိယလမ်းမဘေး အမှိုက်ပုံ မကြာခဏ မီးလှန့်တတ်ပါတယ်။ မြို့နယ်တွင်းရှိ ဒေသခံတွေအနေနဲ့ ကောင်းတဲ့အကျိုးဆက်တွေရှိတဲ့ မီးကင်းစောင့်မီးကင်းလှည့်စနစ် တိမ်မြုပ်ပျောက်ကွယ်မှာ စိုးရိမ်နေကြပါတယ်။